Дар шаҳри Маскав Форуми IX равшанфикрони илмӣ ва эҷодӣ ҷараён дорад, ки барои иштирок дар кори он ҳудуди 300 нафар вакилон аз ҳамаи кишварҳои узви ИДМ даъват шудаанд.
Форум бо дастгирии Фонди байнидавлатии ҳамкории гуманитарии кишварҳои узви ИДМ гузаронида мешавад. Мавзӯи форми имсола – «Рушди фазои ягонаи гуманитарии ИДМ: дурнамои ҳамкорӣ ва таҳдидҳои замон» интихоб шудааст.
Дар кори форум ба масъалаи омодагии муштарак ба таҷлили 70-умин солгарди Ғалаба дар Ҷанги Бузурги Ватанӣ ва чорабиниҳо бахшида ба соли 2015-ро дар қаламрави ИДМ эълон кардани Соли собиқадорон таваҷҷуҳи хосса зоҳир мешавад.
Дар форум вакилон аз шаҳрҳои Кӯлоби Тоҷикистон ва Воронежи Русия, ки соли 2015 пойтахтҳои фарҳангии ИДМ эълон шудаанд, барномаи рангини муаррифии таъриху осор ва ва ҳаёти имрӯзаи шаҳрҳоро пешкаш мекунанд. Маросими муаррифии шаҳри Кӯлобро раиси ин шаҳр Абдуғаффор Азиз Раҳмонзода доир мекунад.
