Давоми соли 2014 Бонки давлатии «Амонатбонк» ба маблағи умумии 861,7 млн. сомонӣ ба беш аз 34,6 ҳазор нафар мизоҷон қарз додааст.
Бино ба иттилои раиси БДА «Амонатбонк» Ҷамшед Нурмаҳмадзода ҳудуди 35% аз ҳаҷми умумии қарзҳои додашударо қарзҳои хурд ташкил медиҳанд.
«Воситаҳои қарзӣ миёни бахшҳои гуногуни иқтисод тариқи зайл тақсим шуданд: кишоварзӣ – 31,6%, саноат – 21,5%, савдо – 13,9%, сохтмон – 13,6%, эҳтиёҷоти истеъмолӣ – 10,8% ва дигар соҳаҳо – 8,6%», – иброз дошт раиси бонк.
Зимнан зикр гардид, ки ба санаи 31-уми декабри соли 2014 бақияи сандуқи қарзии бонк (бо назардошти қарзҳои байнибонкӣ) 912,3 млн. сомониро ташкил додааст, ки нисбат ба нишондиҳандаи ҳамин давраи соли гузашта ду баробар зиёдтар аст.
