Вазири корҳои хориҷии Тоҷикистон Сироҷиддин Аслов рӯзи 13-уми январ сафири Иттиҳоди Аврупо дар Тоҷикистон Ҳидает Бишчевичро ба ҳузур пазируфт.
Бино ба маълумоти департаменти иттилооти ВКХ Тоҷикистон, дар мулоқот доираи васеи масъалаҳо, аз ҷумла натиҷа ва хулосаҳои музокироти сиёсӣ миёни Иттиҳоди Аврупо ва Тоҷикистон ва равандҳои муҳими ҳамкории дуҷониба, амнияти Осиёи Марказӣ, масъалаҳои муҳими минтақавӣ, вазъияти иқтисодии ҷумҳурӣ, масъалаҳои обу энергетика ва дигар масъалаҳои мавриди таваҷҷуҳи ду ҷониб баррасӣ карда шуданд.
