Лагери фашистии Освенсим дар қаламрави Лаҳистонро ҷанговарони артиши 60-уми Фронти якуми Украина озод карданд, ки ба ҳайати он 192 нафар тоҷикистониён низ шомил буданд. Маълумот дар бораи озодкунии лагер ва ҳайати миллии ин артишро
Вазорати мудофиаи Русия
ба нашр расонид.
Гуфта мешавад, дар озодкунии маҳбусони ин лагери фашистӣ дар маҷмӯъ намояндагони 40 миллату халқият иштирок крадаанд, ки бештарашонро русҳо (42,4 ҳазор нафар) ва украинҳо (38 ҳазор нафар) ташкил медоданд.
Қобили зикр аст, ки рӯзи озодкунии лагери Освенсим аз ҷониби Созмони Милали Муттаҳид ҳамчунин Рӯзи байнулмилалии ёдбуди қурбониёни Ҳолокост муқаррар шудааст. Тӯли солҳои Ҷанги Бузурги Ватанӣ дар ин лагер ҳудуди 1,4 млн. нафар, аз ҷумла 1,1 млн. нафар яҳудиҳо ба ҳалокат расонида шуданд.
