Мақомоти шаҳрдории Душанбе барои ишғоли вазифаи директори Корхонаи воҳиди давлатии Пажӯҳишгоҳи илмӣ – тадқиқотӣ ва лоиҳакашии «Душанбешаҳрсоз» озмун эълон кард.
Бино ба иттилои сомонаи расмии мақомоти шаҳрдории пойтахт, дар озмун довталабони дорои маълумоти олии касбии рӯзона ва таҷрибаи кории роҳбарикунанда иштирок карда метавонанд.
Гуфта мешавад, ба довталабоне, ки дар соҳаи сохтмон, тарҳкашӣ ва лоиҳакашӣ таҷрибаи корӣ дошта, дар хориҷи кишвар таҳсил намудаанд, афзалият дода мешавад.
Зимнан зикр мегардад, ки озмун аз 9-уми феврал то 9-уми март идома меёбад.
