Се нафар собиқадорони Ҷанги Бузурги Ватанӣ (ҶБВ) аз Тоҷикистон барои иштирок дар гузашти низомии идона рӯзи 9 май бахшида ба 70-умин согарди Ғалаба дар ҶБВ даъват шудаанд.
Раиси Шӯрои ҷумҳуриявии собиқадорони ҷанг ва коргарони ақибгоҳ Раҳматулло Қудратов ба «Азия-Плюс» дар ин робита иттилоъ дод, ки боз ҳафт нафар собиқадорон аз Тоҷикистонро ҳукумати Русия барои иштирок дар Базм (бал)-и ғолибон, ки рӯзи 9 май низ дар шаҳри Маскав доир мегардад, даъват намудааст.
Р.Қудратов қайд кард, ки ба аввали соли ҷорӣ дар Тоҷикистон 926 нафар собиқадорони ҶБВ иқомат доштанд. Ӯ хотиррасон намуд, ки солҳои ҶБВ беш аз 270 ҳазор нафар тоҷикистониён ба ҳимояи ватан сафарбар шуда, аз ҳар 4 нафари онҳо як нафарашон ҳалок шуданд. Аз Тоҷикистон 54 нафар ба унвони Қаҳрамони Иттиҳоди Шӯравӣ сазовор дониста шуданд.
Тибқи маълумоти ВАО-и Русия, гузашти низомӣ бахшида ба ҷашни 70-умин солгарди Ғалаба дар Ҷанги Бузурги Ватанӣ рӯзи 9 майи соли равон дар Майдони Сурхи шаҳри Маскав доир гардида, яке аз бузургмиқёстарин чорабиниҳо дар таърихи муосири давлати Русия хоҳад буд.
