Рӯзи 6 апрели соли 2015 муовини вазири корҳои хориҷии Тоҷикистон Низомиддин Зоҳидӣ бо сафири Ҷумҳурии Исломии Эрон дар Тоҷикистон Ҳуҷаттулоҳи Фағонӣ мулоқот кард.
Бино ба иттилои Вазорати корҳои хориҷии ҶТ, дар оғози вохӯрӣ сафири Эрон ба Н.Зоҳидӣ даъватномаи Муҳаммад Ҷаводи Зариф, вазири умури хориҷаи Эронро ба Сироҷидин Аслов, вазири корҳои хориҷии Тоҷикистон ҷиҳати иштироки ӯ дар ҷаласаи вазирони корҳои хориҷии кишварҳои иштирокдори Ҷунбиши адами тааҳҳуд супурд. Ин ҷаласа дар таърихи 9-10 июни соли 2015 дар Теҳрон баргузор мешавад,
Гуфта мешавад, дар рафти вохӯрӣ ҷонибҳо ҳамчунин масъалаҳои мубрами ҳамкориҳои Тоҷикистону Эронро муҳокима карданд.
Ҷунбиши адами тааҳҳуд ё ҳаракати кишварҳои ҳамроҳнашуда соли 1955 таъсис ёфтааст. Феълан 120 кишвар узви он буда, аз минтақаи Осиёи Марказӣ Туркманистон ва Ӯзбекистон аъзои он мебошанд.
