Кормандони милиса ду сокини шаҳри Душанберо ба гумони даст доштан дар содир намудани ҷинояти марбут ба хариду фурӯши одам боздошт намуданд.
Бино ба иттилои маркази матбуоти ВКД ҶТ, ҳангоми гузаронидани чорабиниҳои оперативӣ-ҷустуҷӯӣ кормандони милитсия сокинони пойтахт, марди 28-сола ва зани 24-соларо ҳамчун гумонбар дар фурӯхтани тифли навзодашон дастгир карданд.
Гуфта мешавад, ки номбурдагон моҳи июни соли 2013 дар назди таваллудхонаи №2, бо маслиҳати пешакӣ кӯдаки навзоди худро ба зани 41-солаи сокини шаҳри Чкалов ба маблағи 5 ҳазору 430 сомонӣ фурӯхтаанд.
Зимнан зикр мегардад, ки аз рӯи ин ҳодиса парвандаи ҷиноятӣ оғоз гардида, тафтишот дар ин самт давом дорад.
