Дар остонаи ҷашни Рӯзи байнулмилалии ҳифзи кӯдакон гурӯҳи расонаҳои «Азия-Плюс» дар «Боғи Пойтахт» ҷашнвораи эҷодии «Диёри кӯдакон» (Маленькая страна)-ро барпо мекунад.
Кӯдакони ятим ва кӯдакон аз оилаҳои нопурра, тарбиятгирандагони мактаб-интернатҳои №1 ва №4 ва ҳамчунин хонаи кӯдакони №1 – дар маҷмӯъ 200 нафар кӯдакони сини аз 6 то 12-сола меҳмони ҷашнвора мешаванд.
Дар доираи чорабиниҳои ҷашнвора озмунҳои шавқовар, викторинаҳои аҷиб ва бозиҳои фаъол доир гардида, кӯдакон метавонанд дар онҳо иштирок ва соҳиби туҳфаҳо шаванд. Ҳамчунин дар ҷашнвора овозхонҳои маъруфи эстрадаи тоҷик аз гурӯҳи «Авеста» Зафар Абдуалимов, Парвин Юсуфӣ, Рустам Исоев ва овозхону мусиқанавозони наврас ҳунарнамоӣ карда, табъи ҳозиринро болида хоҳанд гардонид.
Аввалин Бонки молиявии хурд сарпарасти кулли ҷашнвора аст. Сарпарастони дигари ҷашнвора: Комбинати шири Душанбе, аквапарки «Делфин», қаҳвахонаи «Segafredo Zanetti» ва Ташкилоти хурди қарздиҳии «Имон Интернэшнл». Чорабинӣ бо дастгирии ҳукумати шаҳри Душанбе ва Вазорати фарҳанги ҶТ доир мегардад.
Ҳамаи хоҳишмандон метавонанд дар ин чорабинӣ иштирок кунанд. Шуморо имрӯз, 30 май соати 18-00 дар «Боғи Пойтахт» интизорем. Воридшавӣ аз рӯи тарифҳои муқарраршудаи боғ сурат мегирад.
