Санаи 26 июни соли 2015 дар шаҳри Душанбе таҳти раҳбарии муовини вазири корҳои хориҷии Тоҷикистон Низомиддин Зоҳидӣ ва муовини вазири корҳои хориҷии Туркия Алӣ Кемал Айдин ройзаниҳои байни Вазоратҳои корҳои хориҷии Тоҷикистон ва Туркия баргузор шуд.
Бино ба иттилои Вазорати корҳои хориҷии ҷумҳурӣ, дар вохӯрӣ маҷмӯи васеи ҳамкориҳои дуҷониба ва бисёрҷонибаи Тоҷикистон ва Туркия баррасӣ шуд.
Гуфта мешавад, ба дурнамои густариши муносибатҳо дар соҳаҳои сиёсӣ, иқтисодию тиҷоратӣ, сармоягузорӣ, илмию фарҳангӣ, маориф ва инчунин тавсеаи заминаи шартномавию ҳуқуқии ҳамкориҳо ва тақвияти робитаҳои байниидоравӣ дар самтҳои амният ва муҳочират таваҷҷуҳи хосса зоҳир гардид.
