Мактаббачагони тоҷик аз Олимпиадаи байналмилалии наврасони Балкан аз фанни риёзӣ (математика) бо 4 медал баргаштанд.
Тавре ба «Азия-Плюс»» роҳбари ҳайати Тоҷикистон дар ин олимпиада Хусрав Ёров иттилоъ дод, дастаи Тоҷикистонро дар ин мусобиқот хонандаи синфи 8-и гимназия-интернати Тоҷикистону Русия «Ҳотам ва ПВ» Абӯбакр Усмонов, ки соҳиби медали нуқра гардид ва ҳамчунин Меҳрон Бобохонов, Суннатулло Раҳматов ва Азизҷон Исматов – барандагони медали биринҷӣ, намояндагӣ карданд.
Қобили зикр аст, ки Олимпиада охири моҳи июн дар шаҳри Белград доир гардида дар он аз 19 кишвар дастаҳо ширкат варзиданд.
