Ташкилоти Оксфам оилаҳоеро, ки дар натиҷаи сел ва обхезиҳои шадид дар водии Рашт ва ноҳияи Шуғнони Ҷумҳурии Тоҷикистон осеб дидаанд, бо маҳсулоти ғайриозуқа таъмин намуд. Ташаббуси зерин дар ҳамкории зич бо мақомотҳои маҳаллӣ, ҷамоа, Кумитаи ҳолатҳои фавқулодда, Фокус Кӯмаки башардӯстона ва Агроаксияи Олмон амалӣ гардонида шуд.
Тавре аз дафтари кории Оксфам дар Душанбе хабар доданд, кӯмаки башардӯстонаи мазкур дар доираи Барномаи Оксфам оид ба Коҳиш додани хатари офатҳои табиӣ сурат гирифт, ки ин лоиҳа аз тарафи Барномаи Шӯъбаи кӯмаки башардӯстонаи фонди Комиссияи Аврупо оид ба омодагӣ ба офатҳои табиӣ маблағгузорӣ гардида мешавад.
«Оксфам яке аз таъминкунандагони пешсафи ҷаҳонӣ дар таъмини кӯмаки башардӯстона ҳангоми сар задани ҳолатҳои фавқулодда мебошад. Кадом вақте, ки набошад ва дар кадом ҷое, ки набошад ҳангоми вуҷуд доштани эҳтиёҷмандӣ замони сар задани ҳолатҳои фавқулодда, Оксфам ба он бо истифода аз тамоми захираҳои мавҷуда вокуниш нишон медиҳад», – арз намуд, Боян Колундзия, Директори Оксфам дар Тоҷикистон.
Моҳи июли соли 2015 селҳои сарзада дар натиҷаи обшавии пиряхҳо ва боришоти шадид ҳадди аққал ҷони ҳафт нафар одамро рабуда, зиёда аз 7000 нафар аз он зарар диданд. Ҳамзамон ба инфрасохтори асосии кишвар низ зарари назаррас расонида шуд. Минтақаҳои бештар аз офати табиӣ осебдида ин водии Рашти ноҳияҳои тобеи ҷумҳурӣ ва ноҳияи Шуғнони Вилояти Мухтори Кӯҳистони Бадахшон мебошанд.
