Сарпарасти Сафорати Ҷопон дар Ҷумҳурии Тоҷикистон Такаши Камада рӯзҳои 2 ва 5 июни соли 2016 дар маросими анҷом ёфтани ду лоиҳа дар Вилояти Мухтори Куҳистони Бадахшон ширкат варзид.
Маросимҳои мазкур ба хотири бомуваффақ иҷро шудани лоиҳаҳо дар соҳаи тандурустӣ дар ноҳияи Мурғоб ва дар соҳаи кишоварзӣ дар шаҳри Хоруғ роҳандозӣ гаштанд. Лоиҳаҳо аз тарафи Ҳукумати Ҷопон дар чаҳорчубаи “Барномаи кӯмакҳои бебозгашт барои бахши аъзами аҳолӣ ва амнияти башарӣ (GGP)” ба хаҷми умумии 201,003 доллари ИМА маблаггузорӣ гардид.
Маросими анҷоми «Лоиҳаи таъмири бинои асосӣ ва сохтмони бинои иловагӣ ба Маркази саломатии ноҳияи Мурғоб» 2-ӯми июни соли 2016 бо ҳузури оғои Мурзабай Ҷоошбаев, раиси ноҳияи Мурғоб дар якҷоягӣ бо табибон, ҳамшираҳои шафқат ва дигар аъзоёни маҳалла баргузор гардид. Бо амалишавии лоиҳа, Маркази саломатӣ ҳоло қодир хаст зиёда аз 14.000 нафарро бо хизматрасониҳои беҳтар таъмин намояд. Ҳукумати маҳаллӣ ҳамчунин аз ҷониби хеш марказро бо таҷҳизоти тиббӣ муҷҷаҳҳаз гардонид.
5 июни соли 2016 дар шаҳри Хоруғ маросими анҷомёбии «Лоиҳаи барқарор намудани канали обёрии шаҳри Хоруғ» баргузор шуд. Бо татбиқи лоиҳаи мазкур, минбаъд деҳқонон барои обёри ба оби кофи дастрасӣ доранд ва аз ин рӯ метавонанд маҳсулнокии кишоварзии хешро зиёд кунанд. Оғои Шодихон Ҷамшед, Раиси ВМКБ, сипоси самимиро аз номи Ҳукумат ва мардуми шаҳри Хоруг ба Ҳукумати Ҷопон барои дастгирии чунин минтақахои дуртасти кӯҳистонро иброз намуд.
Оғои Камада дар суханронии хеш зикр намуд, ки лоиҳаҳои бахши аъзами аҳолӣ баҳри баланд бардоштани вазъи зиндагии мардуми минтақа кумак расонда инчунин муносибатҳои дӯстонаро байни халқҳои Ҷумҳурии Тоҷикистон ва Япония тақвият мебахшанд.
