Намояндагони Кумитаи кор бо занон ва оилаи назди ҳукумати ҷумҳурӣ ба аёдати зане рафтанд, ки дар таваллудхонаи раами 1-и пойтахт чоргоник ба дунё овардааст.
Чоргоникҳои Шаҳодат Нуралиеваи 28-сола, сокини ноҳияи Файзобод – 2 писару 2 духтар рӯзи 24 август чашм ба олами ҳастӣ кушодаанд.
Бино ба маълумоти дафтари матбуоти Кумита, Зуҳро Каримова духтури навзодон гуфтааст, айни замон саломатии модару кӯдакон хуб аст ва онҳо аз роҳбарияти ин мақомоти давлатӣ изҳори сипос намудаанд, зеро бо шунидани ин хушхабар намояндагони Кумита зуд ба пурсиши модари ҷавон омадаанд.
Ба тифлони навзод аз номи раиси Кумитаи кор бо занон ва оилаи назди ҳукумати ҷумҳурӣ Идигул Қосимзода туҳфаҳо тақдим карда шудаанд.
