Дар робита ба ҷашни 25-умин солгарди Рӯзи истиқлолияти давлатӣ ва иди қарибулвуқӯъи Қурбон, тоҷикистониён 4 рӯз пайдарпай истироҳат мекунанд.
Аз Федератсияи мустақили иттифоқҳои касабаи Тоҷикистон ба “Азия-Плюс” дар ин робита иттилоъ доданд, ки мувофиқи меъёрҳои қонун “Дар бораи рӯзҳои ид”, ҳамасола санаи 9 сентябр ҳамчунин рӯзи ҷашни истиқлолият рӯзи истироҳат буда, ғайр аз ин, Иди Қурбон имсол ба рӯзи душанбеи ҳафта, 12 сентябр рост меояд, ки имрӯз ҳам истироҳат эълон шудааст ва из ин рӯ, шаҳрвандони ҷумҳурӣ пайдарпай – рӯзҳои 9, 10, 11 ва 12 сентябр истироҳат хоҳанд кард.
Ҳамчунин зикр гардид, ки овозаҳо доир ба 8 сентябр низ рӯзи истироҳат эълон шудан асоси воқеӣ надоранд ва рӯзи 8 сентябр дар ҷумҳурӣ рӯзи корӣ аст.
