Зимни вохӯрии муовини нахуствазири Тоҷикистон Азим Иброҳим бо муовини якуми вазири корҳои хориҷии Кореяи Ҷанубӣ Им Сон Нам масъалаи ҳарчи зудтар баимзорасии шарномаи байниҳукуматӣ дар бораи муҳоҷирати корӣ баррасӣ шуд.
Тавре ба «Азия-Плюс» як манбаъ аз ҳукумати ҷумҳурӣ иттилоъ дод, дар ҷараёни мулоқот намояндаи Кореияи Ҷанубӣ изҳор доштааст, ки барои баррасии ин масъала ҳукумати кишвараш гурӯҳи корӣ таъсис дода, он ба омӯзиши лоиҳаи шартнома машғул аст.
Муовини нахуствазири Тоҷикистон зикр кардааст, ки Душанбе ба ҷалби сармоя аз Сеул ба иқтисоди кишвар, ҳамчунин таъсиси корхонаҳои муштарак бо иштироки сармояи корхонаҳои бонуфузи саноатии Кореяи Ҷанубӣ манфиатдор аст.
Ҷонибҳо ҳамчунин дар мавриди баланд бардоштани самаранокии фаъолияти комиссияи байниҳукуматии ҳамкории тиҷоративу иқтисодии кишварҳо изҳори назар карданд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
