Дар Донишгоҳи славянии Русия ва Тоҷикистон (ДСРТ) имрӯз дар доираи Фестивали «Ҳафтаи Аврупо-2017» дар Тоҷикистон ярмаркаи маърифатӣ ба кор шурӯъ мекунад.
Зимни боздид аз намоишгоҳ олимони ҷавону омӯзгорон ва донишҷӯён доир ба имконоти таҷрибаомӯзӣ ва таҳсил дар макотиби олии Аврупо маълумоти муфассал дарёфт карда метавонанд.
Дар ярмарка барномаҳое ба монанди ЭразмусПлюс (Иттиҳоди Аврупо), DAAD (Олмон), Чивнинг (Британияи Кабир) ва Кампус (Фаронса) муаррифӣ мешаванд.
Ҳадафи ин чорабиниро дастандаркорони он пешниҳоди маълумот ба тоҷикистониён дар бораи барномаҳои таҳсил ва таркибҳои он, ки дар онҳо Тоҷикистон ба ҳайси кишвари шарик иштирок карда метавонад, унвон мекунанд.
Ҳамоҳангсозони барномаҳо ҳамаи паҳлӯҳои масъалаи иштироки шахсон ва мактабҳои олиро дар озмунҳо, ки аз дархосту имтиҳонҳо иборат аст, муфассал шарҳ дода, ба саволҳои довталабони грантҳо ба барномаҳои таҳсил посух медиҳанд.
