Нашрияи The Telegraph-и Британияи Кабир харитаи диндорӣ миёни кишварҳои ҷаҳонро ба чоп расонид, хабар медиҳад CA-News.
Бино ба маълумоти нашрия, рейтинг ба маълумоти назарпурсиҳои WIN/Gallup International дар солҳои 2008, 2009 ва 2015 асос ёфта, дар он пурсидашудагон ба саволи «оё шумо диндоред» посух гуфтанд.
Дар ин рейтинг доир ба кишварҳои минтақаи Осиёи Марказӣ маълумоти зерин дода мешавад: дар Тоҷикистон 85%, Туркманистон – 80%, Қирғизистон – 72%, Қазоқистон – 64% ва Ӯзбекистон – 51%-и аҳолӣ худро одамони диндор мешуморанд.
Мувофиқи натиҷаҳои назарсанҷӣ, минтақаҳои аз ҳама бештар моил ба диндорӣ Африқо ва Шарқи Наздик дониста шуда, Эфиопия, Малави, Нигерия, Шри-Ланка ва Яман дар панҷгонаи аввали кишварҳои бештар диндор шомиланд.
Миёни кишварҳои Аврупо Лаҳистон (Полша) дар мақоми аввал қарор дорад, ки 86%-и аҳолиаш худро диндор мешуморанд. Ин нишондиҳанда дар Украина – 73%, Русия – 70%, Латвия – 40% ва Литва – 42%-ро ташкил медиҳад.
Ба сафи кишварҳои нисбатан камтар моил ба диндорӣ Чин (7%), Япония (13%), Эстония (16%), Шветсия (19%), Норвегия (21%) ва Чехия (23% ) дохил шудаанд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
