Ҳамлагари дастаи миллии Қирғизистон оид ба футбол, Турсуналӣ Рустамови 29-сола бо дастаи футболи “Хуҷанд”-и Тоҷикистон шартнома имзо намуд.
Дар мавриди хариди ин футболбози тими миллии Қирғизистон дастаи футболи “Хуҷанд ” иттилоъ додааст.
Турсуналӣ Растамов қаблан дар дастаҳои «Қаро-болта», «Шер», «Олға», «Дордой» ва «Олой» ҳунарнамоӣ карда, соли 2014 низ дар дастаи “Хуҷанд” бозӣ карда буд.
Дар Ҷоми Осиё – 2019 дар АМА Турсуналӣ Рустамов дар ҳайъати тими миллии Қирғизистон се бозӣ анҷом дода, як гол задааст.
“Хуҷанд” дар ҳоле бо футболбози қирғиз шартнома имзо намуд, ки 6-ум ва 7-уми март дар доираи бозиҳои Ҷоми АФК – 2019 бо дастаҳои “Олой” (Қирғизистон) ва “Аҳал” (Туркманистон) дидор анҷом медиҳад.
