Дар шаҳри Ренои аёлати Невадаи ИМА рӯзҳои 16-18 январ сафири Тоҷикистон дар ИМА Фарҳод Салим дар намоиши «2020 Sheep Show Convention» бо даъвати “Wild Sheep Foundation” ширкат варзид.
Бино ба иттилои дафтари матбуоти Вазорати корҳои хориҷии ҶТ, чорабинии мазкур бо мақсади тақдими ҷоизаҳо ба шахсони алоҳида барои дастовардҳо, рушд ва афзоиши ҳайвонҳои нодир барпо гардид.
Гуфта мешавад, дар чаҳорчӯби намоиши имсола ба раиси Кумитаи ҳифзи муҳити зисти назди ҳукумати Тоҷикистон Давлатшо Гулмаҳмадзода барои комёбиҳои касбӣ дар муҳофизати гӯсфандони нодир дар Тоҷикистон ҷоизаи “International Conservation Statesman Award” тақдим шуд.
Сафири Тоҷикистон дар ИМА бо назардошти эътироф ва қадрдонии комёбиҳои дипломатӣ дар пешбурди муносибатҳо ҷиҳати муҳофизат ва идоракунии гӯсфандони нодир дар Тоҷикистон бо ҷоизаи “International Wildlife Conservation Ambassador Award” қадрдонӣ шуд.
Зикр мегардад, ки сафир ҷоизаҳоро қабул карда, ба ташкилкунандагони чорабинӣ барои қадрдонӣ изҳори сипос намуд. Таъкид гардид, ки дар Тоҷикистон бо ташаббуси раисҷумҳур Эмомалӣ Раҳмон 2019-2021 Солҳои рушди деҳот, сайёҳӣ ва ҳунарҳои мардумӣ эълон шуда, таҳкими ҳамкориҳо ба амалисозии ин иқдом мусоидат хоҳад кард.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
