Дар вилояти Қазоқистони Шимолӣ наҷотбахшон ба сокинони Тоҷикистон, ки мошинашон шаби сарди зимистон дар роҳ вайрон шуд, ёрӣ расониданд, хабар медиҳад МИА «Казинформ».
Гуфта мешавад, онҳо дар мошини боркаш (минивэн) ба Тюмен мева мебурдаанд ва мошинашон дар сардии 20 дараҷа дар роҳ вайрон мешавад ва гузашта аз ин, сарулибоси начандон мувофиқ ба ин гуна обуҳаворо доштаанд.
“Онҳо мошинро бо сӯзишвории дизелии барои фасли тобистон пешбинишуда пур карда, низоми таъмин бо сӯзишвории мошинро бо воситаҳои худсохт гарм карданӣ шудаанд, ки ба вайроншавии ноқили интиқоли сӯзишворӣ боис гардидааст”, – иттилоъ медиҳад хабаргузорӣ.
Ба иттилои манбаъ, дар қисми оташнишонии Пресновка мошини онҳо таъмир ва бо сӯзишвории дизелии барои фасли зимистон пешбинишуда пур карда шудааст ва меҳмононро бо хӯроки шом ва чойи гарм зиёфат кардаанд.
“Аз кормандонатон барои кумак миннатпазирем. Чандин сол инҷониб бо ин роҳ равуо мекунем ва бори аввал ба чунин ҳолат дучор шудем. Хеле кумак карданд. Аз самими қалб миннатдорем”, – гуфтааст Умедҷон Мадалиев, яке аз тоҷикони дар роҳ дармонда.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
