То 1 январи соли 2021 шумори аҳолии Тоҷикистон 9 млн 504 ҳазор нафарро ташкил дод, хабар медиҳад Агентии омори ҷумҳурӣ.
Гуфта мешавад, соли 2020 афзоиши табиии аҳолии кишвар 2%-ро ташкил дод, яъне шумори аҳолӣ тақрибан 198 ҳазор нафар зиёд шуд.
Ба ин тариқ, соли гузашта, шумори аҳолии вилояти Хатлон 82,9 ҳазор, ноҳияҳои тобеи марказ – 49,5 ҳазор, вилояти Суғд – 49,4 ҳазор, шаҳри Душанбе – 13,3 ҳазор ва ВМКБ – 2,9 ҳазор нафар зиёд шуд.
Шумораи таваллуд соли гузашта дар ҷумҳурӣ қариб 240 ҳазор нафар ва шумораи фавтидагон – ҳудуди 42 ҳазор нафарро ташкил дод.
То аввали соли равон дар қаламрави вилояти Хатлон 3 млн 425 ҳазор, вилояти Суғд – 2 млн 754 ҳазор, ноҳияҳои тобеи марказ – 2 млн 215 ҳазор, шаҳри Душанбе – 880 ҳазор ва ВМКБ – 231 ҳазор нафар зиндагӣ мекарданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
