Душанбе. 2-юми апрел. ОИ «Азия-Плюс» – Чанде қабл дар шаҳри Санкт-Петербург Ҷашнвораи байнулмилалии театрҳои кишварҳои ИДМ ва Балтика ба кор шурӯъ кард.
Чӣ тавре ки аз театри драмавии русии ба номи Маяковский ба ОИ «Азия-Плюс» хабар доданд, дар ҷашнвораи мазкур спектакли Барзу Абдураззоқов «Исповед» (Омурзиш) намоиш дода мешавад.
Ба иттилои манбаъ, дар зарфи ҳашт рӯзи кории ҷашнвора асарҳои саҳнавии театрҳои кишварҳои ИДМ ва Балтика ба маърази тамошо гузошта шуда, аз ҷониби мунаққидони шинохтаи театрӣ мавриди муҳокима қарор мегиранд. «Инчунин атрофи ҳалли масоили марбут ба мушкилоти театрҳои русзабон дар кишварҳо низ табодули афкор сурат хоҳад гирифт», – афзуд манбаъ.
