Дар доираи омодагӣ ба қисми ниҳоии Ҷоми Осиё-2026 дастаи наврасони Тоҷикистон (U-17) барои машғулияти омӯзишӣ ба Дубай рафт.
Ба ин машғулиятҳо, ки то 2-юми май идома хоҳанд кард, сармураббии даста Далер Қаюсов 26 бозигарро даъват кардааст – 3 дарвозабон, 10 ҳимоятгар, 9 нимҳимоятгар ва 4 ҳамлагар. Ба рӯйхати ниҳоии дастаи мо барои иштирок дар Ҷоми Осиёи-2026 23 бозигар дохил мешаванд.
Дар Дубай ситоди мураббиён нақша дорад, ки робитаи бозигаронро қавӣ, таркиби ниҳоӣ ва беҳтаринро муайян ва дастаи пурқуватро омода кунад. Ҷоми Осиё-2026 аз 5-ум то 22-уми май дар Арабистони Саудӣ баргузор мешавад ва яке аз мусобиқаҳои калидии сол барои футболбозони наврас дар минтақа хоҳад шуд.
Тоҷикистон ба гурӯҳи A афтод, ки дар он рақибони он Арабистони Саудӣ, Таиланд ва Мянма хоҳанд буд. Ин гурӯҳи душвор, вале дастаи Тоҷикистон имкон дорад муваффақ шавад.
Ҷадвали бозиҳои дастаи Тоҷикистон: 5-уми май – бо Таиланд, 9-уми май – бо Мянма, 12-уми май – бо Арабистони Саудӣ.
Ҷоми Осиё U-17 — ин на танҳо қаҳрамонии қитъавӣ аст. Дар ин мусобиқа иштирокчиёни Ҷоми ҷаҳон-2026 миёни наврасон низ муайян мешаванд.
Қолаби мусобиқа классикӣ аст: 16 даста ба чор гурӯҳ тақсим шудаанд, аз ҳар кадом ба плей-офф ду дастаи беҳтарин мебароянд. Баъдан – чорякниҳоӣ, нимниҳоӣ ва финал.
Таркиби дастаи ҷавонони Тоҷикистон (U-17) дар машғулиятҳо дар Дубай
Дарвозабонҳо: Абубакр Раҳмонқулов («Панджшер»), Муҳаммадраҳим Раҳмонов («Хосилот»), Рамазон Абдуллозода («Душанбе»);
Ҳимоятгарон: Исломҷон Хоҷиев (Академияи «Крылья Советов», Русия), Мактум Алидодов («Ал-Наср», АМА), Фурқон Раҳимзода («Хосилот»), Мустафо Ҳасанбеков («Истиклол»), Садриддин Сатторов, Озодбек Танджихолов, Ёкубҷон Муродов (ҳама — «Вахш»), Мунаввар Анварзод, Ҳикматулло Кабиров, Муҳаммадҷон Кароматуллозода (ҳама — «Душанбе»);
Нимҳимоятгарон: Ёсин Юсупов (Академияи «Леванте», Испания), Меҳрубон Одилзода («Истиклол»), Парвиз Бобоназаров («Вахш»), Муҳаммадҷон Мирахмадов («Баркчи»), Олимҷон Олимов, Сиёвуш Назаров, Азизҷон Шодиев, Комилҷон Шарипов, Фирдавси Ҳалимов (ҳама — «Душанбе»);
Ҳамлагарон: Парвиз Сангов («Космос», Русия), Асадбек Махтумов («Эсхата»), Биҳишти Раҷабзод, Алишҷон Шӯҳратҷонзода (ҳама — «Душанбе»).
