Чанде пеш шаҳрдории Душанбе эълон кард, ки ҳаракати нақлиёти автомобилӣ дар чорроҳаи кӯчаи С. Айнӣ бо гузаргоҳи якуми кӯчаи Н. Муҳаммади ноҳияи Шоҳмансур муваққатан қатъ карда мешавад.
Бо қарори раиси шаҳри Душанбе роҳ бо мақсади ба охир расонидани корҳои сохтмон баста мешавад.
Бино ба иттилои «Душанбенаклиётхадамотрасон», ҳаракати ҳама гуна нақлиёти автомобилӣ тавассути чорроҳаи мазкур (назди беморхонаи Ёрии таъҷилӣ) аз санаи 15 то 18 июли соли 2021 қатъ карда мешавад.
Гуфта мешавад, дар ин робита ҳаракати автобусҳои хатсайрҳои №2, 4, 7, 43 ва хатсайрҳои троллейбусии №2, 4, 9 ва 10 тариқи кӯчаҳои Лоҳутӣ, Н.Муҳаммад, Дустии халқҳо, А.Дониш, автобусҳои хатсайрҳои №8 ва 55 тариқи хиёбони Рӯдакӣ, кӯчаҳои М.Назаршоев ва А.Дониш ба роҳ монда мешавад.
Аз ронандагони дигар воситаҳои нақлиёт эҳтиромона хоҳиш карда шудааст, ки аз кӯчаҳои ҳамшафат истифода баранд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
