Шаҳрдории Душанбе боз аҳолии пойтахтро огоҳ мекунад, ки рӯзҳои 19-20 октябр интиқоли оби нӯшокӣ дар баъзе ноҳияҳои шаҳр қатъ карда мешавад.
Дар саҳифаи худ дар Facebook шаҳрдорӣ хабар медиҳад, ки қатъи интиқоли об аз истгоҳи обтаъминкунии «Фишорӣ» дар доираи Нақшаи чорабиниҳои таъмиру насби таҷҳизот сурат мегирад.
Гуфта мешавад, интиқоли оби нӯшокӣ аз соати 22:00 рӯзи 19 октябр то соати 08:00 рӯзи 20 октябри соли 2023 қатъ мегардад.
Дар кӯчаву хиёбонҳои ноҳияҳои зерини пойтахт:
Ноҳияи Сино
– маҳаллаҳои Шараф, Ал-Берунӣ, Беморхонаи клиникии ҷумҳуриявии №3 ба номи Дяков, МД «Боғи ҳайвоноти шаҳри Душанбе», КВД «Варзишгоҳи марказии ҷумҳуриявӣ», ҶДММ «Кохи Наврӯз» ва кӯчаи Варзишгарон.
Ноҳияи Исмоили Сомонӣ
– хиёбони Рӯдакӣ (аз кӯчаи Бухоро то кӯчаи С.Ғанӣ), хиёбони И.Сомонӣ, кӯчаҳои М.Турсунзода, Шевченко, Шероз, С.Носир, Шоҳтемур, Ф.Ниёзӣ, А.Командир, М.Холов, Л.Шералӣ, Ғ.Абдулло, Азизбеков, Ф.Шаҳобов, Л.Толстой, М.Миршакар, Пушкин ва Теҳрон.
Аз ин лиҳоз, шаҳрдории Душанбе аз сокинони пойтахт дархост намудааст, ки дар ин рӯз миқдори зарурии обро захира намоянд.
