Дар шаҳри Душанбе, тибқи пешгӯии ҳавошиносон, аз пагоҳ – 6-уми март ҳаво гарм мешавад.
Аз Маркази бодуҳавошиносии ҷумҳурӣ ба “Азия-Плюс” гуфтанд, ки шурӯъ аз пагоҳ ҳарорати ҳаво шабона то +6 дараҷа гарм мешавад.
Дар водиҳо ва доманакӯҳҳои вилоятҳои Хатлону Суғд аз 7-уми март ҳаво гарм мешавад.
Дар ноҳияҳои кӯҳӣ ҳаво нисбатан сард боқӣ мемонад. Дар ин минтақаҳо ҳадди аққал то 10-уми март ҳавои сард пешгӯӣ мешавад. Баъдан, наздик ба охири моҳ дар ин манотиқ ҳам ҳаво тадриҷан гарм мешавад.
Тавре қаблан хабар дода будем, хатари фаромадани тарма дар Тоҷикистон боқӣ мемонад. Махсусан, аз 5 то 7-уми март дар ноҳияҳои кӯҳии тобеи ҷумҳурӣ, дар шоҳроҳи Душанбе-Хуҷанд ва дар ғарби Вилояти Мухтори Кӯҳистони Бадахшон тармарезӣ пешгӯӣ мешавад.
Дар маҷмӯъ, тибқи пешбинии ҳавошиносон, моҳи март сард мешавад: ҳаво тағйирёбанда ва боришот дар назар аст.
