Имрӯз, 20-уми сентябр, Эмомалӣ Раҳмон, Президенти Тоҷикистон бо Шавкат Мирзиёев, Президенти Ӯзбекистон суҳбати телефонӣ намуданд. Дар ин бора хадамоти матбуоти Президенти Тоҷикистон иттилоъ медиҳад.
Гуфта мешавад, ки дар ҷараёни суҳбат сарони ду давлат натиҷаҳои нишасти сарони давлатҳои аъзои Созмони ҳамкории Шанхайро дар Самарқанд баррасӣ намуданд ва президенти Тоҷикистон ба ҷанбаҳои ташкилӣ ва мундариҷавии ин рӯйдоди муҳими минтақавӣ баҳои баланд додааст.
“Президенти Тоҷикистон аз Президенти Ӯзбекистон барои пазироии гарм ва меҳмоннавозии анъанавӣ изҳори сипос намуда, натиҷаҳои вохӯрии сарони давлатҳоро, ки дар чорчӯбаи он бастаи назарраси қарору санадҳо оид ба самтҳои мухталифи фаъолияти Созмон қабул гардиданд, баланд арзёбӣ карданд”, – зикр мегардад дар хабар.
Ҳамчунин, Эмомалӣ Раҳмон ба Шавкат Мирзиёев “дар бораи рушди ахири вазъ дар минтақаҳои наздисарҳадии Тоҷикистон ва Қирғизистон маълумот доданд”.
Ҷонибҳо ҳамчунин баъзе масъалаҳои муҳими муносибатҳои дӯстӣ, ҳусни ҳамҷаворӣ ва ҳамкории судманди Тоҷикистону Узбекистонро дар доираи шарикии стратегӣ ва ҳампаймонӣ мавриди баррасӣ қарор доданд.
Ёдовар мешавем, Шавкат Мирзиёев дуюмин роҳбари давлат аст, ки пас аз оғози низоъ дар марзи Тоҷикистону Қирғизистон бо сардори давлати товикон суҳбати телефонӣ доир менамочд. Қабл аз ӯ президенти Русия Аладимир Путин ба омоаалӣ Раҳмон занг зада аз ҳола манз пурсида бул.
