Бино ба маълумоти Оҷонсии омор, соли 2025 сатҳи таваррум дар бахши истеъмолии Тоҷикистон 3,5%-ро ташкил додааст. Сохтори таваррум тамоюлҳои гуногунсамтро нишон медиҳад: соли гузашта маҳсулоти хӯрокворӣ ба андозаи 4,5%, маҳсулоти ғайриозуқа – 1,5% ва хидматрасониҳои пулакӣ ба аҳолӣ – 5,7% гарон шудаанд.
Дар байни маҳсулоти хӯрокворӣ дур гӯрӯҳи зерини маҳсулот гароншавии бештар ба қайд гирифта шуд:
Арзиши ин маҳсулот бештар назаррас поин рафт:
Маҳсулоти ғайриозуқа дар соли 2025 асосан аз ҳисоби болоравии нархҳо ба маҳсулоти зерин гарон шуданд:
Дар баробари ин, давоми соли гузашта нархҳо ба маҳсулоти зерин поин рафтанд:
Таърифаҳо (тарифҳо) ба хидматрасонии пулакӣ ба аҳолӣ асосан аз ҳисоби болоравии арзиши чунин маҳсулот зиёд шуданд:
Қобили зикр аст, ки Агентии омор соли чорум аст, ки пайдарпай аз сатҳи бесобиқа пасти таваррум маълумот медиҳад.
То ин дам сатҳи таварруми пасттарин давоми тамоми тӯли солҳои соҳибиқлолии кишвар танҳо дар соли 2013 – 3,7% сабт шуда буд.
Дар ҳамин ҳол, аксари сокинон ба мисли солҳои пешин дар мавриди маълумоти расмӣ изҳори шубҳа намуда, зикр мекунанд, ки болоравии воқеии нарх ба маҳсулот ва хидматрасониҳо дар ҳаёти рӯзмарра бамаротиб баландтар аст.
Қаблан дар Бонки миллии Тоҷикистон шубҳа ба маълумоти расмӣ оид ба таваррумро чунин шарҳ дода буданд, ки болоравии нарх ба маҳсулоти ҷудогона вазъи умумиро инъикос намекунад. Зикр шуда буд, ки сандуқи истеъмолӣ аз номгӯйи васеи маҳсулот ва хидматрасониҳо иборат буда, аз ин рӯ, арзёбии мизони таваррум танҳо бо гароншавии якчанд мавқеъ носаҳеҳ аст.
Дар Агентии омор низ чанде пеш чунин мавқеъро изҳор намуда, зикр карданд, ки таварруми расмӣ бар асоси сандуқи васеъи маҳсулот ва хидматрасониҳо, ки аз хариди истеъмолгари мушаххас ба таври назаррас фарқ мекунад, ҳисобу китоб карда мешавад.
