Душанбе. 6-уми март. ОИ «Азия-Плюс» – Корхонаи воҳиди давлатии «Тоҷикниҳолпарвар» ба мавсими имсолаи кабудизоркунӣ беш аз 750 ҳазор бех ниҳоли дарахтони гуногун парвариш кард.
Тавре аз раёсати рустанипарварии Вазорати кишоварзии ҷумҳурӣ ба ОИ «Азия-Плюс» хабар доданд, ҳамасола дар корхона зиёда аз 1,5-1,7 млн. бех ниҳоли дарахтони мевадор ва сояафкану ороишӣ парвариш карда мешавад.
Ба мавсими баҳори соли равон барои кабудизоркунӣ тибқи меъёрҳои давлатӣ ва мутобиқат ба ҳамаи манотиқи ҷумҳурӣ, 449 ҳазор бех ниҳоли дарахтони мевадор, 136,2 бех ангур, 59 ҳазор бех ниҳоли тут ва беш аз 110 ҳазор бех ниҳоли дарахтони ороишӣ тайёр карда шуд.
Ёдрас мекунем, ки КВД «Тоҷикниҳолпарвар» соли 2009 таъсис ёфт. Феълан дорои 13 хоҷагии тобеъ мебошад.
