Душанбе. 27-уми феврал. ОИ «Азия-Плюс» – Чанде қабл гумрукчиёни фурудгоҳи Душанбе аз кӯшиши интиқоли ҳероин дар дохили ҳасиб ҷилавгирӣ намуданд.
Тавре аз маркази матбуоти хадамоти гумруки ҷумҳурӣ ба ОИ «Азия-Плюс» хабар доданд, ба гумони даст доштан дар интиқоли миқдори зиёди ҳероин ба хориҷи кишвар мусофири хатсайри ҳавоии Душанбе-Маскав, сокини 21-солаи пойтахт Фаридун Сайдалиев боздошт гардид. «Зимни азаназаргузаронии бағочи мусофир дар дохили ҳасиб 13 килову
869 грамм
маводи сахттаъсири ҳероин дарёфт ва мусодира карда шуд», – гуфт манбаъ.
Ҳафтаи равон гумрукчиёни фурудгоҳи пойтахт маротибаи дуввум аст, ки аз кӯшиши интиқоли маводи мухаддир ба хориҷи кишвар ҷилавгирӣ мекунанд. «Ин ҳафта мусофири хатсайри Душанбе-Новосибирск, ҷавонзани 27-сола, сокини ноҳияи Қумсангир Саодат Ҳакимова низ бо ин ҷурм боздошт шудааст. «Ӯ мехост
270 грамм
ҳероинро дар дохили меъдаи худ ба Русия барад, вале боздошт гардид», – афзуд манбаъ.
Аз рӯи далелҳои мазкур парвандаҳои ҷиноӣ боз гардида, тафтишот идома дорад.
