Душанбе. 24-уми феврал. ОИ «Азия-Плюс» – Фаромадани тарма шоми дирӯз ба ҳаракати нақлиёт дар як қатор роҳҳои мошингарди ҷумҳурӣ монеъа эҷод сохт.
Тавре аз Вазорати нақлиёти ҷумҳурӣ ба ОИ «Азия-Плюс» хабар доданд, феълан бар асари тармафароӣ километрҳои 48 ва 70-уми нақби Истиқлол, 185 ва 189-уми роҳи мошингарди Душанбе-Хуҷанд (ағбаи Шаҳрипстон) ва 489-уми роҳи мошингарди Душанбе-Рӯшон бо тарма пӯшонида шуда, ҳаракати нақлиёт тавассути он ғайриимкон аст.
Бино ба иттилои манбаъ, то шоми имрӯз ҳамаи қитъаҳои роҳҳо тоза карда мешаванд. Дар ҳамин ҳол, аз Вазорат изҳор доштанд, ки дар муддати як моҳи минбаъд чунин ҳолисаҳо меафзоянд ва ронандагонро зарур аст, эҳтиёт бошанд.
Аз Кумитаи ҳолатҳои фавқулодда ва мудофиаи граждании кишвар иттилоъ доданд, ки маълумоте дар бораи зарардидагон дар даст надоранд.
