Барқарор кардани ҳаракати қатори мусофирбар дар масири “Душанбе – Маскав” ва ба роҳ мондани ҳаракати автобусҳо миёни шаҳрҳои Тоҷикистону Русия дар суҳбати Шоиста Саидмуродзода ва Дмитрий Зверев, муовинони вазири нақлиёти ду кишвар дар Санкт-Петербург баррасӣ шудааст.
Дар ин бора Вазорати нақлиёти Тоҷикистон хабар додааст, вале дар бораи рӯзи дақиқи равуо маълумот надодааст.
Ба иттилои манбаъ, дидори Саидмуродзода ва Зверов дар доираи Форуми якуми байналмилалии нақлиётӣ-логистикӣ, ки 1-3-уми апрел дар Санкт-Петербург баргузор шуд, сурат гирифтааст.
Ҳамчунин, Тоҷикистон ба харидани техникаи роҳи оҳан, вагонҳои нави мусофирбарӣ ва махсус, таҷҳизоту асбоби зарурӣ барои хидматрасонии онҳо аз Русия, таваҷҷуҳ кардааст.
Ҳамчунин, ҷонибҳо, афзоиши мусофиркашонӣ ва боркашонӣ тариқи роҳи оҳан миёни ду кишварро “раванди мусбат” хонда, барои афзоиши боркашонӣ ба сохтани долонҳои нави нақлиётӣ таъкид кардааст.
Бояд гуфт, мусофирбарӣ тариқи роҳи оҳан дар хатсайри “Душанбе – Маскав” соли 2020 бо баҳонаи бемории коронавирус қатъ шуд ва дигар барқарор нагардид.
