Дафтари барномаҳои Созмони амнияту ҳамкории Аврупо (САҲА) дар Душанбе гурӯҳи расонаҳои “Азия-Плюс”-ро бо ҷашни 30-солагиаш табрик гуфт.
Дар паёми табрикотӣ аз номи Татяна Суркан, иҷрокунандаи вазифаи роҳбари Дафтари САҲА дар Душанбе зикр мешавад, ки тайи се даҳсолаи сипаришуда “Азия-Плюс” худро як қисмати муҳими фазои расонаҳои Тоҷикистон муаррифӣ карда, ба таъмини дастрасии ҷомеа ба иттилооот ва рушди рӯзноманигории касбӣ мусоидат кард.
“Дафтари барномаҳои САҲА дар Душанбе ҳамкорӣ ва муколамаро бо васоити ахбори умум дар Тоҷикистон қадрдонӣ карда, саҳми “Азия-Плюс”-ро дар рушди бахши расонаҳо таъкид месозад.
Ба шумо комёбиҳои минбаъда, рушду шукуфоӣ ва дастовардҳои касбӣ таманно дорем!”, – зикр мешавад дар нома.
