Душанбе. 17-уми июл. ОИ «Азия-Плюс» – Дар водии Рашт боз задухӯрди мусаллаҳона ба вуқӯъ пайваст.
Чӣ тавре ки ба ОИ «Азия-Плюс» дар яке аз мақомоти қудратӣ иттилоъ доданд, чанде пештар каме дуртар аз кӯли Кабуди ноҳияи Нуробод посгоҳи назоратии Гвардияи миллӣ ҳадафаи тирпарронӣ қарор гирифтааст. «Дар задухӯрди мусаллаҳона панҷ сарбози нерӯҳои ҳукумат осеб дида, шаш ҷанговари гурӯҳи ҷиноятпеша ба ҳалокат расидаанд», – гуфт манбаъ.
Бино ба иттилои манбаъ, дар маҳалли задухӯрд 3 автомат, норинҷакҳо ва муҳимоти дигар дарёфт шуданд. «Ҳамаи ҷанговарони ҳалокшудаи гурӯҳи ҷиноятпеша ба миллати маҳаллӣ мансуб нестанд ва зимни азаназаргузаронии шиносномаи яке аз онҳо, маълум шуд, ки ӯ шаҳрванди Русия буда, аз рӯи ному насаб зодаи Қафқоз аст», – афзуд сарчашма.
Айни замон ҷиҳати ҷустуҷӯи аъзои боқимондаи гурӯҳ чораҳо андешида мешаванд.
