Душанбе. 10-уми май. ОИ «Азия-Плюс» – Имрӯз дар шаҳри Душанбе маросими муаррифии озмоишгоҳи нави санҷиши чароғҳои кммасраф дар назди Агентии «Тоҷикстандарт» баргузор шуд.
Ба қавли сардори раёсати таъмини
метрологии истеҳсолот ва бақайдгирии агентӣ Ҷӯрахон Раҳимов, дар озмоишгоҳ дар баробари санҷиши дастгоҳҳои дигари барқӣ, санҷиши чароғҳои каммасраф низ ба роҳ монда шудааст. «Қаблан мо имкони санҷиши чароғҳои камммасрафро надоштем, вале бо харидории технологияи тоза аз хориҷи кишвар, акнун метавонем дар як вақт то 50 дона чунин чароҳҳоро низ мавриди санҷиш қарор диҳем», – гуфт ӯ.
Номбурда зикр намуд, ки айни замон дар бозорҳои кишвар чароғҳои каммасрафи истеҳсоли Русия, Ҳиндустон ва Туркия фурӯхта мешаванд, вале воридоти ин мол бештар аз Чин ба назар мерасад, ки пас аз санҷиш ба чунин хулосае расидаанд ки сифати чароғ на ба кишвари истеҳсолкунанда, балки ба ширкати истеҳсолкунанда вобаста аст. «Барои ба фиреб дучор нагардидан, харидор бояд аз фурӯшанда гувоҳномаи мутобиқат ба меъёрро талаб намояд ва сипас метавонад онро ба назди мо баҳри санҷиш пешниҳод созад», – афзуд Ҷ.Раҳимов.
