Душанбе. 1-уми июн. ОИ «Азия-Плюс» – Беш аз 22 ҳазор гектар заминҳои кишти ноҳияҳои тобеи марказ аз ҳуҷуми малахҳо зарар диданд.
Чӣ тавре ки ба ОИ «Азия-Плюс» сарвари КВД «Мубориза бар зидди малах» Қиёмиддин Ғаниев иттилоъ дод, дар ноҳияи Турсунзода майдони 9 ҳазору
400 гектар
аз ҳамлаи малах зарар дидааст, вале он ба заминҳои кишт осеб нахоҳад расонд, зеро сарчашмаи паҳншавии он
100 км
дуртар аз маркази ноҳия дар чарогоҳ воқеъ гардида, дар дохили ноҳия
зиёда аз 2 ҳазор гектар заминҳои кишт бо маводи кимиёвӣ коркард шудаанд.
Ба гуфтаи Қ.Ғаниев, дар ноҳияи Ҳисор аз ҳуҷуми малах масоҳати ҳудуди 8 ҳазор гектар хисорот бардошта, баҳри пешгирии паҳншавии он тамоми тадбирҳо рӯи кор гирифта мешаванд.
Дар ҳамин ҳол, дар саросари ҷумҳурӣ аз ҳамлаи ҳашароти зарарасон майдони зиёда аз 72 ҳазор гектар осеб дида, дар 56 ҳазор гектари он тадбирҳои дақиқи коркарди кимиёвӣ гузаронида шудааст. «Айни замон баҳри мубориза бо малах 26 тракторҳои навъи гуногун, 914 адад чангпошаки дастӣ ва беш аз 100 нафар одмаон сафарбар карда шудаанд», – афзуд Қ.Ғаниев.
