Хуҷанд. 17-уми декабр. ОИ «Азия-Плюс» – Дар вилояти Суғд ҷашни 100-умин солгарди академик Бобоҷон Ғафуров таҷлил мегардад.
Тавре аз маркази иттилоотиву таҳлилии дастгоҳи раиси вилояти Суғд ба ОИ «Азия-Плюс» хабар доданд, бо қарори раиси вилоят Қоҳир Расулзода, 26-уми декабр дар қаламрави вилоят бахшида ба ин ҷашн чорабиниҳои гуногун доир мегарданд.
Ба иттилои манбаъ, бо ин мақсад аз фонди захиравии раиси вилоят 4 ҳазору 300 сомонӣ маблағ ҷудо мегардад. Чанде қабл дарҳкумати вилоят бахшида ба ҷашни мазкур конфронси илмӣ баргузор шуд, ки дар он олимон, таърихшиносон ва омӯзгорони макотиби оливу таҳсилоти умумии вилоят иштирок карданд.
