Душанбе. 15-уми декабр. ОИ «Азия-Плюс» – Чанде қабл вазири умури хориҷии Тоҷикистон Ҳамрохон Зарифӣ дар қароргоҳи Вазорати умури хориҷии Фаронса дар мавзеи Сел Сен Клу дар машварати бахшида ба мавзӯи ҳамкориҳои минтақавии Афғонистон бо кишварҳои ҳамҷавор ширкат варзид. Машварати мазкурро Фаронса ҳамчун Раисикунандаи Шӯрои Иттиҳоди Аврупо созмон дод.
Тавре ба ОИ «Азия-Плюс» сардори департаменти иттилооти Вазорати умури хориҷии ҷумҳурӣ Давлат Назриев хабар дод, Ҳ.Зарифӣ бо даъвати вазири умури хориҷии Фаронса Бернар Кушнер ба ин машаварат омадааст.
Бино ба иттилои манбаъ,
дар кори машварат вазири умури хориҷии Афғонистон, намояндаи махсуси Дабири кулли СММ, намояндагони кишварҳои Олмон, Бритониёи Кабир, Ҳиндустон, Италия Русия, Амрико ва кишварҳои ҳамсояи Афғонистон иштирок карданд.
