ҶСК «Агроиневстбонк» барои осебдидагон аз офати табии моҳҳои май-апрели соли равон дар ноҳияи Мӯъминобод як хатти ҷудо кардани маблағи қарзӣ боз намуд.
Тавре ба ОИ «Азия-Плюс» мудири идораи марказии бонк дар Кӯлоб Сайфиддин Қадамов хабар дод, ба ин мақсад 100 ҳазор сомонӣ маблағ пешбинӣ шуда, қарз ба аҳолии чорвои хурду калонашро талафдода ва баҳри харидани хӯрока барои парвариши чорвои нав дода мешавад.
Қадамов мегӯяд, ин ташаббус аз ҷониби худи осебдидагон сурат гирифта, идораи бонк хоҳиши дубора барқарор кардани саршумори чорво аз ҷониби онҳоро дастгирӣ кардааст. «Дар ҳолатҳои ҷудогона қарз ҳамчунин ба оилаҳое, ки замини наздиҳавлигиашон пурра хароб гардидааст, низ пешниҳод мегардад», – гуфт ӯ.
Дар ҳамин ҳол, идораи марказии ҶСК «Агроинвестбонк» дар минтақаи Кӯлоб ба оилаҳои осебдида аз офати табиӣ дар ноҳияҳои Шӯрообод, Мӯъминобод ва Кӯлоб ба маблағи 14 ҳазор сомонӣ бо маводи ғизойӣ кӯмак кард.
