Сарпрокурори ҳарбии Тоҷикистон ва ҳамзамон муовини прокурори генералии Тоҷикистон Хайрулло Саидов чанде қабл аз Хоруғ ба Душанбе оварда шуда, дар яке аз дармонгоҳҳои пойтахт бистарӣ шуд.
Тавре ба ОИ «Азия-Плюс» як манбаъ аз мақомоти ҳифзи ҳуқуқ хабар дод, шоми дирӯз ба Х.Саидов як гурӯҳи шахсони номаълум дарафтода, ӯро дар бинои манзили иқоматаш мавриди лату кӯб қарор додаанд.
Ба иттилои манбаъ, ба саломатии Х.Саидов чизе таҳдид накарда, ӯ танҳо ҷароҳати ҷисмонӣ бардоштааст.
Хайрулло Саидов дар Хоруғ ба сифати роҳбари гурӯҳи фаврӣ-тафтишотии ҳодисаи куштори сардори Раёсати КДАМ дар ВМКБ генерал Абдулло Назаров қарор дошт.
