Душанбе. 15-уми июл. ОИ «Азия-Плюс» – Кормандони Раёсати мубориза бар зидди ҷинояткории муташаккили Вазорати корҳои дохилии (ВКД) ҶТ дар шимоли кишвар миқдори зиёди маводи сахттаъсири ҳероинро мусодира карданд. Аз вазорати корҳои дохилии ҷумҳурӣ ба ОИ «Азия-Плюс» хабар доданд, ки дар шаҳри Чкаловски вилояти Суғд аз муомилоти ғайриқонунии маводи мухаддир ҷилавгирӣ шудааст ва ду нафар гумонбаршудагон боздошт гардидаанд.
Ба иттилои манбаъ, вазни маводи мусодирашуда ба 103 кило баробар аст. Нисбат ба далели мазкур парвандаи ҷиноӣ оғоз гардида. тафтишот идома дорад. Аз ҷузъиёти дигари ҳодиса алҳол маълумот дастрас нест.
Ёдрас мекунем, ки дар шаш моҳи соли ҷорӣ мақомоти ҳифзи ҳуқуқи ҷумҳурӣ ба миқдори 3 тоннаву 568 кило маводи мухаддирро мусодира карданд, ки дар муқоиса ба ҳамин давраи соли гузашта ба андозаи 24,3 дарсад зиёдтар аст.
