Душанбе. 11-уми август. ОИ «Азия-Плюс» – Ширкати чиноии «Зи Экс Ҷой Инвест» дар бахши истихроҷ ва омӯзиши захираҳои маъдани уран бо Тоҷикистон ҳамкорӣ карданист.
Ахир ҳафтаи сипаришуда зимни мулоқот бо президенти Тоҷикистон Эмомалӣ Раҳмон дар шаҳри Пекин роҳбари ширкат Горден Ян аз фазои мусоиди сармоягузорӣ дар Ҷумҳурии Тоҷикистон ёдовар шуда, изҳор дошт, ки ширкаташ омода аст барои корҳои ҷустуҷӯӣ ва омӯзиши уран дар Тоҷикистон
ҳамкорӣ намояд. Ӯ ҳамчунин таъкид дошт, ки чунин нақша баъди Паёми имсолаи Президенти Ҷумҳурии Тоҷикистон ба Парлумони кишвар
ба миён омад. «Дар паём ба таври возеҳу равшан зарурати истихроҷ ва истифодаи захираҳои фаровони урани Тоҷикистон ба миён гузошта шуд», – афзуд Горден Ян.
Мавриди зикр аст, ки «Зи Экс Ҷой Инвест» аз ҷумлаи бонуфузтарин ширкатҳои Ҷумҳурии Мардумии Чин дар соҳаҳои истихроҷи маъданҳои кӯҳӣ ва энергетикаи атомӣ
ба шумор меравад. Дар ин бора аз дафтари матбуоти сарвари давлат хабар доданд.
