Хуҷанд. 5-уми декабр. ОИ «Азия-Плюс» – Бӯҳрони молиявии ҷаҳон ба корхонаҳои саноатии шаҳри Қайроққуми вилояти Суғд низ асар гузошт.
Тавре муовини аввали раиси шаҳр Худойназар Юлдошев ба ОИ «Азия-Плюс» хабар дод, ба иллати кохиши арзиши маҳсулот дар бозори ҷаҳонӣ корхонаҳои саноатие чун Комбинати маъдантозакунии «Адрасмон», корхонаи «Металлҳои нодири Ленинобод» муваққатан аз фаъолият бозмонда, дар корхонаи муштараки «Апрелевка» низ ҳаҷми истеҳсолот кам карда шудааст.
Ба қавли муовини раси шаҳр, дар анборҳои корхонаҳои мазкур ба миқдори зиёд маҳсулоти тайёр нигаҳдорӣ мешавад. «Бинобар паст будани нархи маҳсулот дар бозори ҷаҳонӣ алҳол фурӯши онҳо қатъ карда шудааст», – афзуд ӯ.
