Душанбе. 25-уми декабр. ОИ «Азия-Плюс» – Дар зарфи 11 моҳи соли ҷорӣ 105 шаҳрванди тоҷик аз Қазоқистон ба ватан фиристода шуд. Дар ин бора бо истинод ба сардори Раёсати сиёсати муҳоҷирати департаменти умури дохилии шаҳри Алмаато Марат Кезембоев хабаргузории «Вечерний Алмаато» иттилоъ медиҳад.
Гуфта мешавад, ки аз оғози сол баҳри таъмини тартиботи ҷамъиятии муқараршуда аз ҷумҳурӣ 2281 нафар шаҳрванди кишварҳои дигар хориҷ карда шудаанд. Дар ҳамин давраи соли гузашта ин шумора ба 2178 нафар баробар будааст.
Тибқи иттилои манбаъ, миёни хориҷшудагон шаҳрвандони Ӯзбекистон – 1437 нафар ва Қирғизистон – 123 нафарро ташкил медиҳанд. Ҳамчунин 183 нафар шаҳрванди Чин ва 98 нафар шаҳрванди Туркия низ дар ин давра ба ватан бозпас фиристода шудаанд.
