Душанбе. 6-уми феврал. ОИ «Азия-Плюс» – Чанде қабл мулоқоти раиси Палатаи савдо ва саноати ҷумҳурӣ Шариф Саид бо вазири бозаргонии Эрон Сайидмасъуд Миркозимӣ барпо гашт.
Тавре аз палати мазкур ба ОИ «Азия-Плюс» хабар доданд, дар мулоқот масоили роҳандозиву густариши ҳамкориҳои дуҷониба дар бахшҳои гуногуни иқтисод, тиҷорат ва маориф мавриди баррасӣ қарор гирифтанд. «Вазири бозаргонии Эрон изҳор дошт, ки кишвараш ба рушди ҳамкориҳои тиҷоративу иқтисодӣ, аз ҷумла сармоягузорӣ дар бахши хусусӣ омода аст», – гуфт манбаъ.
Дар навбати худ, Шариф Саид баргузории мувафффақонаи намоишгоҳҳои молу маҳсулоти Эронро дар Душанбе таъкид сохта, пешниҳод кард, ки дар Тоҷикистон Намоишгоҳи миллии Эрон созмон дода шуда, дар чаҳорчӯбаи он ҳамоиши тоҷрону соҳибкорни ҳарду кишвар баргузор гардад.
