Душанбе. 9-уми феврал. ОИ «Азия-Плюс» – Бо даъвати вазири мудофиаи Тоҷикистон генерал-полковник Шералӣ Хайруллоев рӯзи гузашта як ҳайати вазорати дифоъи Ҷумҳурии Қирғизистон ба раҳбарии вазир генерал-майор Бактибек Калиев ба шаҳри шаҳри Хуҷанд омад.
Тавре ба ОИ «Азия- Плюс» сухангӯи вазорати мудофиаи кишвар Фаридун Маҳмадалиев хабар дод, дар меҳвари мулоқоти вазирони дифои ду кишвари ҳамҷавор, вазъи ҳарбӣ-сиёсӣ дар Осиёи Марказӣ ва Афғонистон қарор дошт.
Дар ҷараёни вохӯрӣ ҳамчунин масъалаи рушди ҳамкориҳои ҳарбӣ-техникии ду кишвар, ташкил ва баргузор намудани тамриноти муштараки хизматчиёни ҳарбии қисмҳои низомии Тоҷикистону Қирғизистон дар ҳудуди вилояти Суғд баррасӣ гардид.
