Душанбе. 25-уми феврал. ОИ «Азия-Плюс» – Дар қаламрави пойгоҳи низомии 201-уми Русия дар шаҳри Қӯрғонтеппа бинои мактаби нав ба истифода дода шуд.
Тавре аз пойгоҳи низомии мазкур ба ОИ «Азия-Плюс» хабар доданд, мактаб барои таҳсили 120 нафар фарзандони афсарону сарбозони пойгоҳи низомии Русия, ки дар макотиби гуногуни шаҳри Қӯрғонтеппа таҳсил мекарданд, пешбинӣ шудааст.
Ба иттилои манбаъ, барномаи таълимии мактаб ҷавобгӯи меъёри барномаи таълимии Русия аст. «Ин аллакай мактаби саввум аст, ки аз ҷониби пойгоҳ бунёд мегардад ва ба ҷуз мактабҳо, дар ҳар як гарнизони низомӣ кӯдакистонҳо фаъолият доранд», – афзуд манбаъ.
