Душанбе. 19-уми март. ОИ «Азия-Плюс» – Нимаи аввали рӯзи 20-уми март дар бинои тетари академиву драмавии ба номи Садриддин Айнӣ мулоқоти ҳамасолаи президенти Тоҷикистон Эмомалӣ Раҳмон бо зиёиёни ҷумҳурӣ баргузор мешавад.
Тавре аз хадамоти матбуоти сарвари давлат ба ОИ «Азия-Плюс» хабар доданд, дар мулоқот сарвари давлат маърӯза намуда, дар он оид ба нақши зиёиён дар рушди ҷомеа ва рафъ сохтани оқибатҳои бӯҳрони молӣ ибрози назар хоҳад намуд.
Ёдрас мекунем, ки тайи якчанд соли ахир сарвари давлати Тоҷикистон дар арафаи таҷлили Иди Наврӯз бо зиёиёни кишвар мулоқот барпо месозад ва чунин вохӯриҳо ба ҳукми анъана даромадаанд.
