Душанбе. 8-уми апрел. ОИ «Азия-Плюс» – Чанде қабл бо дастгирӣ аз ташаббуси президенти кишвар, ки дар мулоқот бо равшанфикрон иброз дошта буд, аз ҷониби мушовири давлатии президенти ҶТ оид ба масоили сиёсати хориҷӣ Эркин Раҳматуллоев ба Хазинаи Китобхонаи миллии ба номи Абулқосим Фирдавсӣ беш аз 2 ҳазор нусха адабиёти илмӣ тақдим гардид.
Чӣ тавре ки аз Вазорати фарҳанги ҶТ ба ОИ «Азия-Плюс» хабар доданд, китобҳои тақдимгардида, аз қабили Энсиклопедияи Бритониёи Кабир, 7 ҷилди «Тафсири Табарӣ», 3 ҷилди «Намунаи адабиёти тоҷик»-и Садриддин Айнӣ, се ҷилди «Луғатномаи Деҳхудо», китоби сарвари давлат – «Тоҷикистон дар оинаи таърих» ва ғайра хусусияти таърихиву тарбиявӣ дошта, дар пешрафти ҷаҳонбинӣ ва тарбияи ватандӯстии шаҳрвандон нақши муҳим доранд.
